Қазақстандық теннисші Елена Рыбакина WTA рейтингінде рекордты орнына қайта оралды
НҰР-СҰЛТАН. ҚазАқпарат – Әйелдер теннис қауымдастығы (WTA) рейтингінің жаңартылған нұсқасы шықты, деп хабарлайды ҚазАқпарат Sports.kz агенттігіне сілтеме жасап.
Әлемнің бірінші ракеткасы атағы аустралиялық Эшли Бартиде қалды, екінші орында — Беларусь спортшысы Арина Соболенко, Чехия спортшысы Каролина Плишков үздік үштікті түйіндеді.
Қазақстанның ең мықты өкілдері Елена Рыбакина жеке рекордын қайталап, 16-шы орынға оралды.
Юлия Путинцева төрт орынға көтеріліп, 43-ші болды. Зарина Дияс 108-ші орында.
Жұптық разрядтағы үздік үштік: чех теннисшілері Барбора Крейчикова мен Катерина Синякова, сондай-ақ бельгиялық Элизе Мертенс.
Анна Данилина 92-орыннан 94-орынға түсіп, Рыбакина 97-орыннан 95-орынға көтерілді, Зарина Дияс — 181-ші (-2) орында.
