Қазақстандық теннисші Галина Воскобоева Rogers Cup 2011 халықаралық турнирінің екінші айналымына шықты
АСТАНА. 10 тамыз. ҚазАқпарат - Қазақстандық теннисші Галина Воскобоева Канаданың Торонто қаласында өтіп жатқан жүлде қоры 2 миллион доллардан асатын Rogers Cup 2011 халықаралық турнирінің екінші айналымына шықты.
Бұл ақпаратты ҚР Теннис федерациясының баспасөз қызметінен хабарлады.
Алғашқы айналымда қазақстандық теннисші француздық Марион Бартолиді 6:3, 6:3 есебімен жеңді. Оның келесі айналымдағы қарсыласы итальяндық Флавия Пеннетта мен ресейдік Мария Кириленконың ойындарынан кейін белгілі болады.
