Қазақстандық теннисші қатысатын WTA қорытынды турнирінің жеребесі тартылды
АСТАНА. ҚазАқпарат - Қазақстандық теннисші Анна Данилина қатысатын WTA қорытынды турнирінің жеребесі тартылды, деп хабарлайды ҚазАқпарат тілшісі.
Қазақстан теннис федерациясынан мәлім еткеніндей, аталмыш дода 31 қазан - 7 қараша аралығында АҚШ-тың Форт-Уорт қаласында өтеді.
А.Данилина бразилиялық Беатрис Хаддад Майямен бірге жұптық сында өнер көрсетеді.
Жарыста сегіз жұп екі топқа бөлінді.
Роза Казалс тобы:
Барбора Крейчикова - Катерина Синякова,
Джессика Пегула - Коко Гауфф (АҚШ),
Сю Ифань - Ян Чжаосюань (Қытай),
Деми Шуурс (Нидерланд) - Дезире Кравчик (АҚШ).
Пэм Шрайвер тобы:
Габриэла Дабровски (Канада) - Джулиана Ольмос (Мексика),
Элизе Мертенс (Бельгия) - Вероника Кудерметова (Ресей),
Людмила Киченок (Украина) - Елена Остапенко (Латвия),
Анна Данилина (Қазақстан) - Беатрис Хаддад Майя (Бразилия).
Қазіргі кезде әлемдік рейтингіде жұптық сында 12-орында тұрған А.Данилина - Қазақстан тарихында Ярослава Шведовадан кейін WTA қорытынды турниріне жолдама алған екінші теннисші.
Еске сала кетейік, бұдан бұрын қазақстандық теннисшідердің Швейцариядағы жарыстың финалына шыға алмағанын жазған болатынбыз.
Фото: ktf.kz
