Қазақстандық теннисші Путинцева АҚШ-тағы турнирдің финалына шықты
АСТАНА. ҚазАқпарат - Қазақстандық теннисші Юлия Путинцева американдық қала Пелхамда өтіп жатқан сыйлық қоры 25 мың долларды құрайтын ITF турнирінің финалына шықты.
Жартылай финалда ол кортта жергілікті теннисші Ирина Фальконимен бақ таластырды. Жарыс қожайыны қарсыласынан екі сетте тек бес гейм ғана ала алды. Қазақстандық спортшы 6:3, 6:2 есебімен айқын басымдықпен ұтты.
Еске сала кетсек, осы уақытта Путинцева Әйелдер теннис қауымдастығының (WTA) рейтингінде 157-орында, деп хабарлайды Vesti.kz.
