Қазақстандық теннисшілер халықаралық турнирде көш бастады

БІШКЕК. Мамырдың 28-і. ҚазАқпарат /Владимир Добровольский/ - Үстел теннисінің қазақстандық шеберлері Орталық Азия елдерінің ұлттық құрамалары арасында өткен халықаралық турнирде екі рет жеңімпаздар тұғырына көтерілді,

деп хабарлайды ҚазАқпарат тілшісі. Ыстықкөл жағасында өткен жарыста біздің отандастарымыз өзбекстандық спортшыларды 3:2 есебімен жеңіп, командалық есепте бірінші орынға шықты. Қазақстан спортшылары жеке сайыстарда да көзге түсті, онда Ермек Бекназаров пен Александр Максимов бірінші және екінші орындарға ие болды.