Қазақстандық теннисшілер ширек финалға жолдама алды
АСТАНА. 18 наурыз. ҚазАқпарат - Қазақстандық теннисшілер Е.Королев пен Ю.Щукин жұбы «Челленджер» сериясындағы халықаралық турнирдің ширек финалына шықты,
деп хабарлады ҚР Теннис федерациясының баспасөз қызметінен.
«Қазақстандық теннисшілер Евгений Королев пен Юрий Щукин Марокконың Рабат қаласында өткен «Челленджер» сериясындағы халықаралық турнирде чех Ив Минар мен словакиялық Марек Семжан жұбын 6:4, 6:3 есебімен ұтып, ширек финалға шықты», - делінген Федерация ақпаратында.
Бүгін Е.Королев пен Ю.Щукин жұбы австриялық Петер Лучак пен итальяндық Алессандро Моттиге қарсы ойнайды.
