Қазақстандық уәкіл жеткілікті тұрғын үй мәселесі жөніндегі БҰҰ-ның арнайы баяндамашысымен кездесті
БҰҰ Арнайы баяндамашысы Р. Рольник 2010 жылғы қыркүйектің 6-ы мен 13-і аралығында Қазақстанда болады, оның сапарының мақсаты Қазақстанда жеткілікті тұрғын үйге берілетін құқықтар және осымен байланысты басқа да құқықтардың іске асырылуын бағалау болып табылады.
Қазақстандық Омбудсмен қонақты Адам құқықтары жөніндегі уәкіл мекемесі жұмысының ерекшеліктерімен, шағымдардың қаралу тәртібімен, халықаралық құқық қорғау конвенциялары мен келісім-шарттар іске асырылғанда мемлекеттік органдар мен үкіметтік емес ұйымдармен өзара әрекеттесудің тәжірибесімен, сондай-ақ азаматтардың тұрғын үйге берілетін құқықтарын қамтамасыз ету саласында мекеме қызметінің негізгі бағыттарымен таныстырып өтті.
БҰҰ Арнайы баяндамашысы мемлекеттің әлемдік экономикалық дағдарыс салдарларына төзу бойынша көп қырлы қызметіне, негізінен, Қазақстан Үкіметінің азаматтардың анағұрлым осал санаттарының, нақты айтқанда кіріс деңгейі аз жанұялардың, оралмандардың жеткілікті тұрғын үйге берілетін құқықтарын қорғау бойынша шаралардың қолдануына назарын аударды.
Тараптар адамның тұрғын үйге берілетін құқықтарын қорғау, қолжетімділік мәселелерінде азаматтық қоғаммен мемлекеттің өзара әрекеттесуі, тұрғын үйді бөліп беру, тұрғын үй саясатында мемлекеттік-жеке әріптестіктің кеңеюі саласында елдің заңнамасын әрі қарай жетілдіру маңыздылығын атап көрсетті.
Мемлекеттік органдардың өкілдерімен өткен кездесулер мен алынған ақпаратты талдаудың қорытындысы бойынша Р. Рольник 2011 жылдың наурызында адам құқықтары жөніндегі БҰҰ Кеңесіне ұсынылатын есепті әзірлейді.