Қазақстандық волейболшы жігіттер Азия чемпионатында үздік бестіктің қатарынан орын алды
АЛМАТЫ. Қазанның 6-сы. ҚазАқпарат /Ерлік Ержанұлы/ - Геннадий Паршин жаттықтыратын ел құрамасы Филипиннің Манила қаласында аяқталған XV Азия чемпионатында 16 елдің ішінен бесінші орын алды,
деп хабарлайды ҚазАқпарат.
Қыркүйектің 27-сі күні жалауын көтерген бұл дүбірлі доданың кеше ақтық ойындары өткен болатын. Ширек финалда Қытай мен Иран волейболшыларынан ұтылған қазақстандықтар 5-9 орындар үшін болған сында австралиялықтарды 3:2, индонезиялықтардан 3:1 есебімен басым түсті. Ал ақтық финалда ирандық құрдастарын 1:3 есебімен ұтқан жапондықтар Азия чемпионы атанды. Үздік бестікке Иран, Корея, Қытай және Қазақстан командалары еніп, соңғы 15-16 орындарды Филиппин мен Шри-Ланка волейболшылары түйіндеді.
