Қазақстандық волейболшылар әлем чемпионатында екінші рет жеңіске жетті
АСТАНА. 17 маусым. ҚазАқпарат - Волейболдан еліміздің құрамасы әлем чемпионатындағы біліктілік кезеңінде екінші жеңіске қол жеткізді.
Бұл туралы Vesti.kz жазып отыр.
Павлодарда өткен екінші ойында жерлестеріміз үш партияда ауғанстандық қарсыластарын 3:0 (25:21,25:21,25:11) есебімен тізе бүктірді.
Еске салайық, алғашқы ойында Қазақстанның құрамасы Өзбекстан волейболшыларын 3:0 (25:21, 25:15, 25:18) есебімен ұтқан болатын.
