Қазақстандық жағажай волейболшылары «Open» дәрежесіндегі Әлемдік турдың «Fuzhou Open» жарысында үздік ондыққа енді

АЛМАТЫ. 29 сәуір. ҚазАқпарат - Жағажай волейболынан Қытайдың Фучжоу қаласында 23-28 сәуір күндері «Open» дәрежесіндегі Әлемдік турдың «Fuzhou Open» жарысы өтті.

 Онда ел құрамасының үздігі Алексей Сидоренко мен Александр Дьяченко 1/8 финалға дейін жетті, тоғызыншы орынға табан тіреп, қоржынына 250 ұпай қосты. Ал алғашқы сында сүрінген Дмитрий Яковлев пен  Алексей Кулешов жұбы болса 41-ші орынды (50 ұпай)  қанағат тұтты. Сондай-ақ, әйелдер құрамасының үздігі Татьяна Машкова мен Ирина Цимбалова 25-ші сатыдан көрініп, рейтингтік қоржынына 150 ұпай қосты. Дәрежелік раундта швейцариялықтарды қапы қалдырған олар топтық сында "G" тобында бақ сынады. Өкінішке орай,  Нидерланды мен Бразилия спортшыларынан - 0:2, ал канадалықтардан 1:2 есебімен жеңіліп қалды.