Қазақстандық жағажай волейболшылары «Самила Опен» Азиялық турынан олжалы оралды

АЛМАТЫ. 17 сәуір. ҚазАқпарат - Таиландтың Сонгхла қаласында 14-16 сәуір күндері жағажай волейболынан «Самила Оупен» Азиялық туры өтті.

Оған 14 елден ерлер арасында 26, әйелдер арасында 20 команда қатысқан болатын. Ақтық сында «Австрия-1» командасына 1:2 есебімен ұтылған Алексей Сидоренко мен Александр Дьяченко жұбы - күміс, Дмитрий Яковлев пен Алексей Кулешов жұбы қола жүлдегер атанды. Ал Татьяна Машкова мен Ирина Цимбалова қола жүлде үшін сайыста «Тайланд-1» командасына есе жіберіп 4-ші орын алса, Бақтыгүл Самалықкова мен Любовь Богату 9-шы орынға табан тіреді.

Енді ел құрамасының үздіктері 23-28 сәуір күндері Қытайда өтетін Азиялық турда өз бақтарын сынайды. Одан кейін 30 сәуір мен 5 мамыр күндері «Гранд Слам» додасында ел намысын қорғайтын болады.