Қазақстандық жеңіл атлет Литвада жеңіске жетті
АСТАНА. ҚазАқпарат - Қазақстандық жеңіл атлет Кристина Морозова Литвада өткен халықаралық турнирде спорттық жарыстан жеңіске жетті, деп хабарлайды ҚазАқпарат тілшісі.
ҚР Жеңіл атлетика федерациясы мәлім еткендей, Кристина алдағы қазан айында Буэнос-Айрестегі жасөспірімдер Олимпиадасына қатысады. Осы ірі доданың алдында спортшы өзінің дайындығын бір пысықтап алды.
Литваның Друскинскай қаласында өткен жарыста 17 жастағы атлет 3 шақырымдық спорттық жүрістен қатысты. Сайыста 2001-2002 жылы туған жас атлеттер бақ сынады. Жерлесіміз қарсыластарының алдын орап, мәреге 14 минут 51 секундта жетті. Екінші орын алған спортшының уақыт көрсеткіші - 15.05 минут болса, үшіншісі - 15.21.
Айта кетейік, Морозова Буэнос-Айресте 5 шақырымдық спорттық жүрістен өнер көрсетеді.
