Қазақстандық жолаушылар мінген автобус жол апатына ұшырады
АСТАНА. 18 шілде. ҚазАқпарат - Ресейдің Новосібір облысы бойынша төтенше жағдайлар ведомствосынан хабарлағандай, 17 шілде күні түнгі сағат 00.59-да (Астана уақыты бойынша) Новосібір қаласынан Томскіге бара жатқан жолдың 80-шақырымында «Авиа» жолаушылар автобусы апатқа ұшырады.
«КамАЗ» көлігімен соғысып қалған автобус аударылып кетіп, өртке оранды, деп хабарлады ҚР Төтенше жағдайлар министрлігінің баспасөз қызметінен.
«Авиа» автобусы 16 шілде күні сағат 10.15-те Семей қаласындағы халықаралық автовокзалдан «Семей-Новосібір-Томск» бағыты бойынша жолға шыққан болатын. Автобус салонында 32 жолаушы: 27 ересек, 3 бала және 2 жүргізуші болған. Олардың сегізі - Қазақстан азаматтары - 7-еуі ересек адамдар, 1-еуі бала.
Жол-көлік оқиғасының салдарынан 5 жолаушының, 3 ересек адамның және 2 баланың қаза болғаны хабарлануда. Олардың азаматтықтары қазір анықталуда. Сондай-ақ 18 жолаушы жарақат алған. Олар қазір ауруханада.
