Қазақстандықтар Инчхондағы Азия ойындарында 18 медаль олжалады
АСТАНА. ҚазАқпарат - Қазақстандықтардың 23 қыркүйектегі Азиадаға қатысу қорытындысын Sports.kz жасады.
Бүгін Оңтүстік Кореяның Инчхон қаласындағы Азия ойындарына қазақстандықтар он төрт спорт түрі бойынша қатысты. 23 қыркүйектегі қатысу қорытындысы бойынша қазақстандық спортшылар 18 медаль: 4 алтын, 4 күміс және 10 қола жүлде ұтты. «Алтынды» иеленгендер: Маргарита Елисеева (ауыр атлетика), Елдос Сметов (дзюдо), траптан әйелдер құрамасы, Дмитрий Баландин (жүзу). «Күміс» жүлдеге ие болғандар: Зульфия Чиншанло (ауыр атлетика), Максим Раков, ерлер құрамасы (дзюдо), Екатерина Руденко (жүзу). «Қола»: Александра және Екатерина Немич, әйелдер құрамасы (синхронды жүзу), Андрей Могилевский (стендтік ату), Ленария Мингазова, Азамат Мұқанов, Мариян Урдабаева (барлығы - дзюдо), қылыштасудан әйелдер құрамасы, шпагадан ерлер құрамасы (екеуі де семсерлесу), әйелдер құрамасы (теннис), Нұрсұлтан Тұрсынқұлов (ушу). Медальдар жиынтығы бойынша Қазақстан Қытай, Оңтүстік Корея мен Жапониядан кейін төртінші орынды алады.
