Қазақстандықтар Мемлекет басшысына өздерінің бастамалары туралы көптеп жазады - ҚР Президентімен «тікелей желі»
Мысалы, Алматы қаласынан Владимир Долгов балалардың мамандандырылған кинотеатрларының мемлекеттік желісін жандандыруды, ал Әбдіқадыр Біләлұлы «Барыс елі» мемлекеттік мультфильмдер студиясын құруды ұсынады.
Жалпы алғанда, ел тұрғындарын алуан-түрлі сұрақтар - спорттың аэроклубтық түрін дамыту, Қазақстандағы әсери-өнеркәсіптің перспективасынан бастап, ойын аймақтарының қызметтеріне дейінгі мәселелер қызықтырады.
Қазіргі уақытта Мемлекет басшысының атына келіп түскен сұрақтардың саны 5 мыңнан асты. Халықты әлеуметтік қорғау саласы ең көкейкесті болып қалып отыр. Осы айдарда мыңнан астам сұрақтар тіркелді. Одан кейінгі орында тұрғын үй құрылысы және тұрғын үй -коммуналдық шаруашылығы - осы салалар бойынша мыңға жуық қазақстандықтар сұрақтар қойған, сондай-ақ заңдардың және құқықтық тәртіптің сақталуы да назардан тыс қалмаған.
Белсенді аймақтар үштігінде Астана, Алматы және Алматы облысы бар. Call-орталығының операторлары барынша көп сұрақтар қабылдаған - олар 3 мыңнан асады. СМС-сұрақтардың саны 150-ден асты. Ресми сайт арқылы 1,5 мыңнан астам сұрақтар жіберілген.
Халықтық дауыс беру арқылы ең танымал делінген сұрақтарға ҚР Президенті Н.Назарбаев 2009 жылғы қарашаның 13-інде «Қазақстан», «Хабар», «Астана» телеарналарында, «Хабар», «Шалқар», «Қазақ радиосы», «Астана қаласының радиосы» радиоарналарында тікелей эфирде жауап беретінін естеріңізге саламыз.
Бұл уақытқа дейін әркім өз сұрақтарын республика бойынша бірыңғай +7 (7172) 555-777 телефон нөмірі арқылы қоя алады, KСеll, Beeline, Neo, Altel ұялы байланысты пайдаланушылар үшін 1111 нөміріне СМС-хабарлама арқылы жіберуге, www.line.gov.kz сайтының тиісті бөлімін пайдалана отырып Интернет бойынша әркім өз бейнесұрақтарын қоюына болады. Сонымен қатар, vopros@akorda.kz электронды мекен-жайға әркім өз сұрақтарын қоя алады.
Барлық байланыс арналары мүлдем тегін ұсынылады және еліміздің кез келген нүктесінен тәулік бойғы форматта қол жетімді болады. Сұрақтарды қабылдау үшін арнайы call-орталығы құрылған, оның қызметкерлері сұрақтарды қарашаның 13-ін қоса алғандағы күнге дейін қабылдайды.