Қазақстандықтар отбасылық кикілжіңдердің басты себебі ретінде алкогольді ішімдіктерді асыра ішуді атап отыр
АСТАНА. Қыркүйектің 3-і. ҚазАқпарат - Ішкі істер органдары қызметінің негізгі бағытның бірі отбасы-тұрмыстық қарым-қатынас саласындағы құқық бұзушылықтың алдын алу және ескерту болып табылады, жанұяның барлық мүшелерінің бостандықтары мен құқықтарын қорғауға бағытталған және тетіктерін құратын маңызды элемент.
Осыған орай отбасылық зорлық-зомбылық мәселелерін зерттеу жұмыстары бойынша жұмыстар атқарылуда. Мысалы, ағымдағы жылы Ішкі істер министрлігі құрастырған әдістеме бойынша әр түрлі облыста отбасылық-тұрмыстық қарым-қатынас саласында жасалатын зорлық-зомбылықтың әдістерін, түрлерін, деңгейін анықтау үшін әйелдер арасында сауалнама алынды, деп хабарлайды ҚР ІІМ Әкімшілік полиция комитетінен.
Сауалнаманы ІІМ Академиясы ғылыми-зерттеу институтымен бірлесіп, әйелдерді зорлық-зомбылықтан қорғау барысында ІІО-ның қызметін ұйымдастыру жөніндегі ішкі істер органының бөлімше инспекторлары жүргізді.
Барлық алынған 30 мың респонденттер, әйелдерді зорлық-зомбылықтан қорғау бөлімшелерінен және дағдарыс орталықтарынан көмек сұраған немесе кеңес алу үшін хабарланғандар, ішкі істер бөлімдеріне әкелінген сәтсіз отбасылар, профилактикалық есепте тұрған отбасыда жанжал шығарушылар, ата-анасы құқығынан айырылғандардың балалары, оның ішінде әйелдер мен балалар.
Зорлық-зомбылықтың болу себептері респонденттердің ойы бойынша: қызғаншақтық-- 24,7%, маскүнемдік - 23,7%, келіспеушілік - 7%, мүліктік даулар (материалдық) - 33,8%, басқалардың отбасылық өмірге араласуы - 10,3%, басқадай - 0,5% болып табылды.
Отбасылық жанжалдардың себебінің 83,1% спирттік ішімдіктерді асыра ішу.
Алынған нәтижелер көрсеткендей, тұрмыстық зорлық-зомбылыққа ықпал ету факторының бірі сәтсіз отбасылық жағдай, отбасыдағы ауыр материалдық-тұрмыстық жағдай және ата-ананың денсаулық жағдайы, сонымен қатар ата-ананың ішімдікті зиян түрде пайдалануы.
Зерттеу зорлық-зомбылықтың тек әйелдер мен балалар арасында емес, сонымен бірге еркектер мен қарттар арасында кездесетінін де көрсетті және отбасы-тұрмыстық қарым-қатынас саласында зорлық-зомбылықтың алдын алуға және ескертуге жаңа әдістерді ойластыруға ықпал етті.
