Қазақстандықтар сайлауға көтеріңкі көңілмен келетіндігін байқадым - Никас Сафронов
АСТАНА. ҚазАқпарат - ҚР Парламентінің сайлауы заңға сай, еш заңбұзушылықсыз өтіп жатыр. Бұл туралы бүгін ҚР Парламенті Мәжілісін сайлау барысын бақылауға келген шетелдік делегаттардың баспасөз мәслиxатында Ресейден келген xалықаралық байқаушы, танымал суретші, «Труд» басылымының бас редакторы Никас Сафронов мәлім етті.
«Мен Қазақстан үшін қуаныштымын. Мен былтыр Қазақстанда Президенттік сайлауда болғанмын. Ол кезде де сайлау заңды әрі ашық өткен болатын. Биыл да сайлау барысы заң аясында өтетіндігіне күмәнім жоқ. Себебі бүгін біз ешбір заңбұзушылықты анықтаған жоқпыз. Халық сайлауға қуана-қуана, жақсы көңіл күймен келіп жатыр және өздеріне не қажет екендіктерін біледі», - дейді Н. Сафронов.
Айта кетейік, ҚР Парламенті Мәжілісінің депутаттарын сайлау барысын бақылауға 817 xалықаралық байқаушы мен 147 шетелдік БАҚ өкілдері келіп отыр.
