Қазақстандықтар жағажай волейболынан Норвегияда өтіп жатқан Әлем чемпионатында табысқа жете алмады
деп хабарлайды ҚазАқпарат ҚР Волейбол федерациясына сілтеме жасап.
Ставангер қаласында өтіп жатқан бұл дүбірлі дода маусымның 26-сы күні жалауын көтерген болатын. Оған әлемдік рейтингте үздік 48-дің қатарына кірген командалар ғана қатысуда. Әлем чемпионатына биыл алғаш рет қатысқанына қарамастан қазақстандықтар іріктеу кезеңінде өз тобында 3-ші орын алды. Алғашқы екі кездесуде бразиялық Әлем чемпиондары мен испандық Еуропа чемпиондарына 2:0 есебімен есе жіберген Алексей Кулинич пен Александр Дьяченконың жұбы кеше швейцариялықтармен кездесу өткізіп 3:1 есебімен (15:21, 28:26, 15:13) басым түсті. Әлемдік рейтингте 38-ші орын алатын олардың қарсыласы 4 саты жоғары тұр. Алайда, өз тобында 3-ші орын алғанмен Владимир Юдаков жаттықтыратын қазақстандық спортшылар жалпы ұпай саны бойынша бұл чемпионатта жүлде үшін таласатын үздік 32 команданың қатарына қосыла алмады.