Қазақстанға көлікпен бидай импорттауға тыйым салынды

АСТАНА. ҚазАқпарат – Ауыл шаруашылығы министрінің «ҚР аумағына бидайды автомобиль көлігімен әкелуге тыйым салуды енгізу туралы» бұйырығы күшіне енді, деп хабарлайды ҚазАқпарат тілшісі.

«Қазақстан Республикасының аумағына автомобиль көлігімен тұқымдық бидайды қоспағанда, бидай импорттауға 6 айға тыйым салынсын. Осы бұйрықтың орындалуын бақылау жетекшілік ететін ҚР Ауыл шаруашылығы вице-министріне жүктелсін», - делінген Ауыл шаруашылығы министрінің бұйырығында.

Ведомство басшысының бұйрығы 10 сәуірден бастап күшіне енді.

Сондай-ақ кеше елімізден авиакеросин, дизель және мұнай битумын экспорттауға тыйым салынатын Энергетика министрінің бұйрығы күшіне енгенін хабарлаған едік. Бұл шектеу Қазақстанның ішкі нарағындағы мұнай өнімдері тапшылығының алдын алу мақсатында енгізілген.