Қазақстаннан Қырғызстанға заңсыз жем өткізбек болғандар ұсталды

Қазақстаннан Қырғызстанға заңсыз 14 тонна жем өткізуге тырысқандар ұсталды, деп мәлім етті Қырғыз Республикасының Ауылшаруашылығы министрлігі. Kazinform бұл туралы Кабар агенттігіне сілтеме жасап хабарлайды.

Оны «Ақ-Тілек» бақылау-өткізу пунктіндегі Ветеринария қызметі инспекторлары анықтады.

«Жүктің ветеринариялық құжаттары жоқ және ЕАЭО ветеринария-санитария талаптарын сақтамаған», - деп толықтырды ведомство.

Инспекторлар тиісті акт толтырып, жүк «Ақ-Тілек» бақылау-өткізу пункті арқылы Қазақстан Республикасына қайтарылды.