Қазақстанның басым бөлігінде қар жауып, бұрқасын болады
АСТАНА. KAZINFORM — Қазақстан аймақтарында 2024 жылғы 27 желтоқсанда болатын қауіпті метеорологиялық құбылыстарға болжау консультациясы жарияланды.
«Қазгидромет» синоптиктерінің болжамынша, ҚР аумағының басым бөлігінде атмосфералық фронттардың өтуімен қар, жаяу бұрқасын болжанады.
— Антициклон сілемінің ықпалында елдің батыс, оңтүстік өңірлері болады, осыған байланысты жауын-шашынсыз ауа райы күтіледі. Республика бойынша тұман, жел күшеюі күтіледі, — делінген хабарламада.
Айта кетейік, бұдан бұрын «Омбы-Майқапшағай» автожолында қозғалыс шектелгені хабарланды.
