Қазақстанның даму жоспарларында БҰҰ-ның орнықты даму мақсаттары қамтылған

АСТАНА. KAZINFORM — ҚР Премьер-министрінің орынбасары Серік Жұманғарин мен Ресей Президентінің арнаулы өкілі Борис Титов БҰҰ-ның Орнықты даму мақсаттарын жүзеге асыру, екіжақты тәжірибе алмасу және 2030 жылдан кейінгі халықаралық күн тәртібін талқылады. Бұл туралы Үкіметтің баспасөз қызметі мәлім етті. 

Қазақстанның даму жоспарларында БҰҰ-ның орнықты даму мақсаттары қамтылған
Фото: Үкімет

Кездесу барысында тараптар ОДМ-ға қол жеткізу мәселелері бойынша пікір алмасып, өзара тәжірибемен бөлісті. Сондай-ақ, кездесу барысында 2030 жылдан кейінгі кезеңге арналған халықаралық күн тәртібінің өзекті бағыттарын қарастырды.

Қазақстанның даму жоспарларында БҰҰ-ның орнықты даму мақсаттары қамтылған
Фото: Үкімет

Серік Жұманғарин Орнықты даму мақсаттары Қазақстанның мемлекеттік жоспарлау жүйесінде толықтай қамтылғанын атап өтті. Оның индикаторлары Ұлттық даму жоспарында, сондай-ақ орталық мемлекеттік органдар мен өңірлердің даму жоспарларында көрініс тапқан. Бұл жаһандық мақсаттарды елдің ұлттық басымдықтарымен ұштастыруға мүмкіндік береді.

Кездесу қорытындысы бойынша тараптар ОДМ-ны жүзеге асыру жөніндегі диалогты одан әрі жалғастыруға мүдделі екенін растады.

Еске сала кетейік, бұған дейін Серік Жұманғариннің төрағалығымен өткізілген Салық Кодексін енгізу жөніндегі жобалық кеңсенің 30-шы отырысында Салық кодексіне енгізілетін екі түзету мақұлданғанын жаздық.