Қазақстанның екі семсерлесушісі Азия ойындарында ширек финалға шықты
АСТАНА. KAZINFORM — Қазақстан құрамасының семсерлесушілері Ирина Бакалдина мен Владислава Андреева Жапонияда өтіп жатқан 2026 жылғы Азия ойындарында шпагамен айқасудан жекелей сайыстың ширек финалына шықты. 1/8 финалда қос спортшы да қарсыластарын жеңіп, үздік сегіздікке енді. Бұл туралы ҰОК мәлім етті.
Қазақстан құрамасының семсерлесушілері Ирина Бакалдина мен Владислава Андреева Аичи және Нагояда (Жапония) өтіп жатқан 2026 жылғы Азия ойындарында шпагамен айқасудан жекелей сайыста ширек финалға жолдама алды.
1/8 финалда Бакалдина Иордания өкілі Дина Мансиді 15:7 есебімен сенімді түрде жеңді. Ал Андреева Оңтүстік Корея спортшысы Лим Тэхиден 15:13 есебімен басым түсті. Осылайша, Қазақстанның екі шпагашысы да үздік сегіз спортшының қатарына енді.
Бұған дейін Еркінғали Бүркіталин Азиада чемпионы атанғанын жаздық.
