Қазақстанның 5 қаласында ауа сапасы нашарлайды

АСТАНА. ҚазАқпарат – Бүгін Астана мен Алматы және Өскемен, Семей, Риддер қалаларында ауа сапасы нашарлайды, деп хабарлайды ҚазАқпарат «Қазгидрометке» сілтеме жасап.

9 мамырда Өскемен, Семей, Риддер, Алматы және Астана қалаларында ауаның қолайсыз метеорологиялық жағдайлары болжанады.

Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

Қолайсыз метеорологиялық жағдай кезінде елді мекендердегі атмосфералық ауаның сапасы нашарлауы ықтимал.