Қазақстанның 7 кереметі Бүкіләлемдік туристік ұйымдар Бас ассамблеясында таныстырылады
АЛМАТЫ. Қаңтардың 22-і. ҚазАқпарат /Ербол Азанбек/ - Наурыздың 22-сінде анықталатын Қазақстанның 7 кереметі биылғы жылдың қазан айында Астанада өтетін Бүкіләлемдік туристік ұйымдарың 18-ші Бас ассамблеясында таныстырылады.
Бұл туралы бүгін Алматыда өткен баспасөз мәслихатында ҚР Туризм және спорт министрлігі Туризм индустриясы комитетінің төрағасы Сергей Никитинский айтты, деп хабарлайды ҚазАқпарат. Сергей Никитинскийдің айтуынша, «Қазақстанның 7 кереметі» Қазақстандағы туризмді дамытуға серпін беретін жобаның бірі. «Сондықтан бұл конкурсты өткізіп, қолдау жасалып отыр және Астанада өтетін Бүкіләлемдік туристік ұйымдардың 18-ші Бас ассамблеясында таныстыру да Қазақстанның туризм саласындағы келбетін арттыру үшін жасалып отыр» деді ол.
