Қазақстанның басым бөлігі жауын-шашынды болып, бұрқасын көтеріледі, тұман түседі, көктайғақ болады, жел күшейеді

АСТАНА. ҚазАқпарат - Қазақстанның басым бөлігі атмосфералық ағындардың ықпалында болғандықтан, жауын-шашынды болып, бұрқасын көтеріледі, тұман түседі, көктайғақ болады, жел күшейеді, деп хабарлады ҚР ІІМ Төтенше жағдайлар комитеті «Қазгидрометке» сілтеме жасап.

Ақмола облысының кей жерлерінде тұман түседі, желдің күші 15-20 м/с. Қостанай, Солтүстік Қазақстан, Қарағанды облыстарының кей жерлерінде бұрқасындатып, тұман түседі, жел екпіні 15-20 м/с-қа жетеді. Шығыс Қазақстан, түнде Павлодар облыстарының кей жерлерінде бұрқасындатып, жел тұрады, оның күші 17-22 м/с-қа дейін жетеді. Түнде Алматы облысының кей жерлерінде тұман түседі, Жалаңашкөл аймағында желдің екпіні 18-23, күндіз ұйтқуы 28 м/с-қа дейін күшейеді. Жамбыл, Қызылорда, Батыс Қазақстан облыстарының кей жерлерінде тұман түседі, көктайғақ болады. Маңғыстау облысының кей жерлерінде көктайғақ болады, желдің күші 15-20 м/с болады деп күтілуде. Оңтүстік Қазақстан, Қарағанды облыстарының кей жерлерінде тұман түседі.