Қазақстанның басым бөлігінде бұрқасын соғып, көктайғақ болады
АСТАНА. ҚазАқпарат - Бүгін Республиканың басым бөлігінде атмосфералық фронттардың өтуіне байланысты құбылмалы ауа райы сақталады, кей жерлерде қар жауады; бұрқасын, тұман, көктайғақ болып, жел күшейеді.
Бұл туралы ҚР ІІМ ТЖК баспасөз қызметі хабарлайды.
Ақмола, Ақтөбе, Қостанай, Солтүстік Қазақстан облыстарының кей жерлерінде бұрқасын болып, желдің жылдамдығы 15-20 м/с-ға дейін күшейеді.
Алматы облысының кей жерлерінде тұман, көктайғақ болады, түнде желдің жылдамдығы 18-23 м/с-ға дейін күшейеді.
Жамбыл облысының кей жерлерінде тұман, бұрқасын күтіледі, желдің жылдамдығы 15-20 м/с-ға, екпіні 23-28 м/с-ға дейін күшейеді.
Оңтүстік Қазақстан облының кей жерлерінде тұман, көктайғақ, бұрқасын күтіледі, желдің жылдамдығы 15-20 м/с-ға дейін күшейеді.
Қызылорда облысының кей жерлерінде тұман, көктайғақ болып, желдің жылдамдығы 15-20 м/с-ға дейін күшейеді.
Маңғыстау облысының кей жерлерінде жаяу бұрқасын, тұман, көктайғақ болады.
Атырау, Батыс Қазақстан облыстарының кей жерлерінде бұрқасын, көктайғақ болып, желдің жылдамдығы 15-20 м/с-ға дейін күшейеді.
Павлодар облысында бұрқасын соғады, кей жерлерінде қатты болады, желдің жылдамдығы 17-22 м/с-ға дейін, кей жерлерде екпіні 25 м/с-ға дейін күшейеді.
Қарағанды облысының кей жерлерінде бұрқасын, тұман болады, желдің жылдамдығы 15-20 м/с-ға дейін, екпіні 23 м/с-ға дейін күшейеді.
Шығыс Қазақстан облысының кей жерлерінде бұрқасын болып, желдің жылдамдығы 15-20 м/с-ға дейін, екпіні 25 м/с-ға дейін күшейеді.
