Қазақстанның басым бөлігінде қарлы бұрқасын көтеріліп, тұман түсіп, көктайғақ болады деп күтілуде - 24 қаңтарға арналған ауа райы болжамы
АСТАНА. 23 қатар. ҚазАқпарат - ҚР Қоршаған ортаны қорғау министрлігі «Қазгидромет» РМК-нің болжамынша, ертең Қазақстанның басым бөлігі фронтальді ағымдардың ықпалында болады,
соған байланысты ауа райы тұрақсыз болады - қар жауып, қарлы бұрқасын көтеріліп, жел күшейіп, жекелеген аудандарда тұман түсіп, көктайғақ болады.
Тек республиканың оңтүстік-шығысында ғана ауа райы жауын-шашынсыз болады.
Алматы облысында түнде кей жерлерде тұман түседі, Жалаңашкөл ауданында 18-23 м/с жылдамдықпен жел соғады, күндіз оның екпіні 28 м/с-қа дейін жетеді.
Ақмола, Солтүстік Қазақстан, Павлодар, Шығыс Қазақстан облыстарында кей жерлерде қарлы бұрқасын болады, 15-22 м/с жылдамдықпен жел соғады, Шығыс Қазақстан, Павлодар облыстарында желдің екпіні 26 м/с-ты құрайды.
Қостанай, Қарағанды облыстарында қарлы бұрқасын аралас 15-20 м/с жылдамдықпен жел соғады, түнде және таңертең тұман түседі, күндіз көктайғақ болады.
Атырау, Батыс Қазақстан, Ақтөбе облыстарында тұман түсіп, көктайғақ болады.
Жамбыл, Оңтүстік Қазақстан, Қызылорда облыстарында кей жерлерде тұман түседі, 15-20 м/с жылдамдықпен жел соғады, Қызылорда облысында көктайғақ болады.
Маңғыстау облысында тұман түседі.
Алдағы тәуліктерде республиканың оңтүстік, оңтүстік-шығыс және шығысындағы өзендерде су деңгейінің ауытқушылығы байқалады; республиканың оңтүстік және оңтүстік-шығысындағы жекелеген таулы өзендерінде мұз қату үрдісі баяулайды.
