Қазақстанның басым бөлігінде жексенбі күні жаңбырлы болып, тұман түседі және жел күшейеді
АСТАНА. ҚазАқпарат - Қазақстанның басым бөлігінде атмосфералық фронтальдық ағындардың өтуімен кей жерлерде жаңбыр жауады, тұман түседі, көктайғақ болады, республиканың батысы мен оңтүстік-батысында ғана күн райы ашық болады, деп хабарлады «Қазгидромет» РМК.
Қостанай облысында кей жерлерде тұман түседі, көктайғақ, желдің күші 15-20 м/с.
Солтүстік Қазақстан облысында кей жерлерде тұман түседі, көктайғақ болады, күндіз жел 15-20 м/с-қа дейін күшейеді.
Ақмола, Жамбыл, Оңтүстік Қазақстан, Шығыс Қазақстан облыстарында кей жерлерде тұман түседі, желдің екпіні 15-20 м/с-қа жетеді.
Алматы, Павлодар облыстарында кей жерлерде тұман түседі, күндіз жел 15-20 м/с-қа дейін күшейеді.
Қарағанды облысында түнде және таңертең кей жерлерде тұман түседі, жел 15-20 м/с-қа дейін күшейеді.
Қызылорда, Маңғыстау, Атырау облыстарында кей жерлерде тұман түседі.
