Қазақстанның басым бөлігінде жылдамдығы секундына 15-22 метрге жететін қатты жел күтілуде
nbsp;АСТАНА. Қыркүйектің 11-і. ҚазАқпарат - Бүгін Қазақстанның басым бөлігінің ауа райына суық ауа ағымы өз әсерін тигізеді, деп хабарлады ҚР Төтенше жағдайлар министрлігі Қазгидрометке сілтеме жасап.
Маңғыстау, Шығыс Қазақстан, ал күндіз Ақмола, Алматы, Жамбыл, Оңтүстік Қазақстан, Қызылорда, Ақтөбе, Қостанай, Солтүстік Қазақстан облыстарының кей жерлерінде жылдамдығы секундына 15-22 метрге жететін қатты жел соғады деп күтілуде.
Ақмола, Қостанай, Солтүстік Қазақстан, Павлодар және Қарағанды облыстарының кей жерлерінде түнде 0-5 градусқа дейін күн суытады.
Қазақстанның оңтүстігінде, батысында, орталығында, шығысында және оңтүстік-шығысында жоғары дәрежелі өрт қаупі сақталады.
