Қазақстанның басым облыстарында найзағай жарқылдайды, ұйытқыған жел соғып, бұршақ жаууы мүмкін - ауа райы болжамы
АСТАНА. 30 маусым. ҚазАқпарат - Қазақстанның басым бөлігінде демалыс күндері мен дүйсенбіде найзағай жарқылдайды, ұйытқыған жел соғып, жаңбыр, бұршақ жаууы мүмкін, деп хабарлайды Қазгидрометтің баспасөз қызметінен.
Күндізгі температура республиканың оңтүстік және оңтүстік-шығыс өңірлерінде 25-тен 33ºС-қа дейін болады, Орталық және шығыс облыстарда плюс 20-30ºС болады. Солтүстік аймақтарда плюс 15-22ºС-қа дейін жылы болады. Тек еліміздің батысында ғана жауын-шашынсыз, аптап ыстық күтіледі - плюс 30-37ºС.
