Қазақстанның белгілі боксшылары Ұлттық олимпиада комитетінің медальдарымен марапатталды
АСТАНА. ҚазАқпарат - Ұлттық олимпиада комитеті «ҚР Ұлттық олимпиада комитетіне 25 жыл» мерейтойлық медальдарымен 19 адамды - белгілі боксшыларды, Қазақстан бокс федерациясының (ҚБФ) бапкерлерін, басшыларын марапаттады. Бұл туралы федерацияның баспасөз қызметінен хабарлады.
Олардың арасында ҚБФ вице-президенті Бауыржан Оспанов, ҚБФ ұлттық құрама командасының үйлестірушісі Болат Әбдірахманов, Ұлттық құраманың бас бапкері Мырзағали Айтжанов, Олимпиада ойындарының чемпиондары - Бахтияр Артаев, Данияр Елеусінов, Бақыт Сәрсекбаев, Ермахан Ибраимов, Олимпиада жүлдегерлері - Марина Вольнова, Дариға Шәкімова, Геннадий Головкин, Василий Левит, Иван Дычко, Болат Жұмаділов, Еркебұлан Шыналиев және тағы басқалары бар.
