Қазақстанның бірінші ракеткасы Цинциннати турнирін сәтті бастады
АСТАНА. ҚазАқпарат - Қазақстанның бірінші, әлемнің 52-інші ракеткасы Юлия Путинцева әлемнің мықты теннисшілері бас қосқан Цинциннати (АҚШ) турнирін сәтті бастады, деп хабарлайды «ҚазАқпарат» тілшісі.
Ю.Путинцева алғашқы кездесуінде дүниежүзілік рейтингте 75-інші орында тұрған парагвайлық Вероника Сепеде-Ройгты 6:4, 3:6, 6:3 есебімен тізе бүктірді. Юлия енді өзінің бұрынғы отандасы, әлемнің 8-інші ракеткасы Светлана Кузнецовамен кортқа шығады.
Айта кетейік, АҚШ-тың ашық чемпионаты қарсаңында өтіп жатқан Цинциннати турнирінің жүлде қоры 2,5 млн. доллардан асады. Оған әлемнің бірінші ракеткасы, осы жарыстың өткен жылғы жеңімпазы, чехиялық Каролина Плишкова да қатысуда.
