Қазақстанның БҰҰ Азаптауға қарсы конвенциясына қосылғанына 15 жыл болды
АЛМАТЫ. 26 маусым. ҚазАқпарат - Бүгін құқық қорғаушылар Алматы мен еліміздің өзге де 11 аймағында азаматтарды азаптау мен абыройды кемсітетін өзге де рақымсыздықтың Қазақстандағы жағдайына баға берді. БҰҰ Бас Ассамблеясының 52/149 қарарымен 1997 жылдың 26 маусымы Халықаралық азаптау құрбандарына қолдау көрсету күні деп жарияланған. Бұл - азаптауға және адам абыройын кемсітетін өзге де қатігез, рақымсыз немесе солардың басқа да түрлері мен соған сәйкес жазалауларды толықтай жою және тиімділігін қамтамасыз етуге бағытталған күн.
«Алғашқы жартыжылдықта Қазақстанның азаптауларға қарсы үкіметтік емес ұйымдар коалициясына азаптау және өзге де заңсыз қатынас түрлері туралы 201 арызтүскен. Олардың 35-іадамның ар-намысын қорлау, 39-ы қатыгездік қатынас, 127-сіазаптаулар бойынша. Жалпы Азаптауларға қарсы ҮЕҰ Коалициясы 2011 жылы - 411, 2012 жылы - 362арызды тіркеген болатын», - дейді Адам құқықтарын қорғау мен заңдылықтарын сақтау жөніндегі қазақстандық халықаралық бюроның директоры, Азаптауларға қарсы коалицияның үйлестірушісі Роза Ақылбекова.
