Қазақстанның ЕАЭО елдерімен өзара саудасы 21296 млн долларды құрады
НҰР-СҰЛТАН. ҚазАқпарат - 2019 жылғы қаңтар-желтоқсанда Қазақстан Республикасының Еуразиялық экономикалық одақ елдерімен өзара саудасы 21296 млн АҚШ долларын құрады, деп хабарлайды ҚазАқпарат.
ҚР Ұлттық экономика министрлігі Статистика комитетінің ақпаратына сәйкес, бұл 2018 жылғы қаңтар-желтоқсанмен салыстырғанда 5,7% көп. Соның ішінде экспорт – 6317,2 млн АҚШ долларын (4,5% артты), импорт 14978,8 млн АҚШ долларын (6,3% артты) құрады
Қазақстан Республикасының ЕАЭО елдерімен сыртқы сауда айналымының жалпы көлемінің 92,4% - Ресей Федерациясына, 4% - Қырғызстан Республикасына, 3,6% - Беларусь Республикасына, 0,1% Армения Республикасына тиесілі.
