Қазақстанның екі облысында бұршақ жауып, күшті жел соғуы мүмкін

АСТАНА. ҚазАқпарат - Қазақстанның екі облысында ауа райына қатысты ескерту жаряланды, деп хабарлайды ҚазАқпарат тілшісі «Қазгидрометке» сілтеме жасап.

Синоптиктердің хабарлауынша, 19 маусым күні Шығыс Қазақстан облысында кей жерлерде жаңбыр жауып, найзағай ойнайды және бұршақ жаууы ықтимал. Оңтүстік-шығыстан соққан жел солтүстік-батысқа ойысып, жылдамдығы секундына 17-22 метр болады, күндіз кей жерлерде желдің екпіні секундына 23-28 метрге жетеді.

Қостанай облысында сейсенбі күні найзағай ойнап, бұршақ жаууы мүмкін, солтүстік-батыстан соққан желдің жылдамдығы 15-20 м/с жетеді деп күтілуде.

Дауыл тұруы ықтималдылығы - 90-95%