Қазақстанның екі облысында жолдар жабық
АСТАНА. ҚазАқпарат - Ауа райының бұзылуы Қазақстанның екі облысында жолдың жабылуына себепші болды. Бұл туралы ҚР ІІМ ТЖ комитетінің бапасөз қызметі хабарлады.
Осылайша, Шығыс Қазақстан облысында бүгін сағат 19-30-дар шамасында ауа райының бұзылуына байланысты (бұрқасын, жолдың көрінісі шектеулі) «Күршім-Қалжыр» (117-131 км) автожолы барлық көлік түрлері үшін жабылды. «Алматы-Өскемен» жолы (973-1073 км. Калбатау ауылы-Өскемен қаласы) қоғамдық және жүк көліктері үшін жабылды.
Павлодар облысында сағат 22-00-ден бастап, ауа райының бұзылуына байланысты (көктайғақ) «Омбы-Майқапшағай» (399-191 км) бағытында Павлодарлық станциясынан РФ шекарасына дейін барлық көлік түрлері үшін жол жоқ.
