Қазақстанның екі облысындағы жолдарда көлік қозғалысына тыйым салынды
НҰР-СҰЛТАН. ҚазАқпарат – Қазақстанның екі облысындағы жолдарда көлік қозғалысына тыйым салынды, деп хабарлайды ҚазАқпарат ҚР Индустрия және инфрақұрылымдық даму министрлігінің Telegram каналына сілтеме жасап.
Қостанай облысында 10 наурыз сағат 22:00-ден бастап ауа райының бұзылуына (бұрқасын, жолды көрінбеуі) байланысты «Екатеринбург-Алматы» тасжолының 686-729 шақырымында, Сарыкөл ауылы мен Солтүстік Қазақстан облысының шекарасына дейінгі аралықта барлық көлік түрлерінің жүруіне тыйым салынды.
Солтүстік Қазақстан облысында 10 наурыз сағат 22:00-ден бастап, ауа райының бұзылуына байланысты Қостанай облысы «Екатеринбург-Алматы» тасжолының 729-768 шақырымында, Қостанай облысының шекарасы мен Тоқсан би ауылының арасы барлық көлік түрлері үшін жабық.
