Қазақстанның ең сұлу спортшы аруын таңдау басталды
Мәселен, ондыққа 27 жастағы Майя Манеза кірді. «Зілтемірші Майя Манеза - біздің тізіміміздегі ең атақты спортшы. Ол әлемнің екі дүркін чемпионы, Лондон олимпиадасының чемпионы, бірнеше рет әлем рекордын орнатқан», - деп жазады басылымда.
Сондай-ақ ондыққа көркем гимнастика бойынша Қазақстанның көшбасшысы - 19 жастағы Анна Алябьева енді. Ол әлем чемпионаттары мен Олимпиада ойындарына қатысқан. 19 жастағы ару құрлықтағы біріншілік пен Азиада ойындарында жеңімпаз атанды.
Әлемнің ең мықты теннисшілер тізімінің 100-не кіретін 27 жастағы Галина Воскобоева да еліміздің ең сұлу спортшы аруы «атағына таласпақ». Айта кетейік, спортшы қазіргі уақытта WTA рейтингінде 83-ші орынды иеленеді.
25 жастағы Зарина Тухтиева шайбамен хоккей бойынша Қазақстан әйелдер құрама командасының көшбасшысы.
Сұлу спортшы қыздардың тізімінде 24 жастағы Мариан Урдабаева да бар. Ол дзюдодан Қазақстан құрама командасының мүшесі, 70 келі салмақ дәрежесінде өнер көрсетеді.
28 жастағы Айнұр Керей ең танымал қазақстандық мәнерлеп жүзуші.
23 жастағы Анастасия Алишаускайте - «Астана жолбарыстары-ЕҰУ" әйелдер баскетбол клубының және Қазақстан құрама командасының капитаны әрі көшбасшысы.
21 жастағы Юлия Волошина - талдықорғандық «Жетісу» командасының футболшысы.
23 жастағы Сана Жарлағасова - «Алматы» клубы мен Қазақстан құрама командасының волейболшысы.