Қазақстанның құрама командасы Швецияда өтіп жатқан бендиден әлем чемпионатында екінші рет жеңілді
АСТАНА. 29 қаңтар. ҚазАқпарат - Бендиден Қазақстанның құрама командасы Швецияда өтіп жатқан әлем чемпионатында екінші рет жеңіліс тапты, деп хабарлады Vesti.kz.
Матчтың екінші турында қазақстандық хоккейшілер қазіргі әлем чемпионы және жарыстардың иесі - Швецияның құрамасымен кездесті. Ойын 9:2 есебімен аяқталды. Қазақстан құрама командасының құрамында Дмитрий Завидовский және Сергей Почкунов ерекшеленді.
Бүгін өтетін матчта қазақстандық хоккейшілер Норвегияның құрама командасымен кездеседі. Ойын Астана уақыты бойынша сағат 19.30-да басталады.
Бенди. Әлем чемпионаты. Швеция
Ерлер. 2-ші тур:
Швеция - Қазақстан - 9:2;
Норвегия - Ресей - 0:12;
Финляндия - Беларусь - 21:2.
