Қазақстанның Ресейдегі елшілігінде дауыс беру өтуде
МӘСКЕУ. 3 сәуір. ҚазАқпарат /Нарымбек Ысмағұлов/ - Бүгін Мәскеуде, Қазақстанның Ресейдегі елшілігінде жергілікті уақыт бойынша сағат 7.00-де ҚР Президентінің кезектен тыс сайлауы аясында №143-ші сайлау учаскесі өз жұмысын бастады.
Қазақстан Елшісі Зауытбек Тұрысбеков, Ресей Федерациясындағы қазақстандық ұйымдар мен мекемелердің басшылары және дипломатиялық өкілдік қызметкерлері алғашқылардың қатарында дауыс берді.
З.Тұрысбековтың айтуынша, бұл учаскеде бүгін 1800-ден астам адам дауыс береді, олардың денін ресейлік жоғары оқу орындарында білім алып жатқан қазақстандық студенттер құрайды.
