Қазақстанның шығысында бұршақ жауып, батысында - аптап ыстық болады
АСТАНА. ҚазАқпарат - 30 шілдеде атмосфералық ағындардың өтуімен Қазақстанның солтүстігінде, шығысында және оңтүстік-шығысында және орталығында ауа райының тұрақсыз сипаты күтіледі, кей жерлерде күн күркіреп, жел күшейеді, тұман түседі, шығыста бұршақ жаууы мүмкін, деп хабарлады «Қазгидромет» РМК.
Қарағанды, күндіз Оңтүстік Қазақстан облыстарында кей жерлерде жел 15-20 м/с-қа дейін күшейеді.
Шығыс Қазақстан облысында кей жерлерде желдің күші 15-20 м/с-қа, ұйытқуы 25 м/с-қа дейін жетіп, күндіз кей жерлерде бұршақ жаууы мүмкін.
Павлодар облысында кей жерлерде желдің екпіні 15-20 м/с-қа жетеді, күндіз кей жерлерде бұршақ түсуі мүмкін.
Ақмола облысында кей жерлерде тұман түсуі күтіледі, жел 15-20 м/с-қа дейін күшейеді.
Қостанай, Солтүстік Қазақстан облыстарында кей жерлерде тұман түседі.
Күндіз Батыс Қазақстан облысында күшті ыстық болады.
Республиканың оңтүстігінде, батысында, солтүстік батысының кей жерлерінде, оңтүстік-шығысында және орталығында өте күшті аптап ыстық сақталады.
