Қазақстанның солтүстігі мен шығысында бұрқасын тұрып, көктайғақ болады деп күтілуде - 26 қарашадағы ауа райы болжамы
АСТАНА. 25 қараша. ҚазАқпарат - Қазақстанның солтүстігі мен шығысында 26 қарашада бұрқасын тұрып, көктайғақ болады деп күтілуде, деп хабарлайды ҚР ТЖМ баспасөз қызметі.
Синоптиктердің хабарлауынша, Ақмола облысында кейбір жерлерде тұман тұрып, көктайғақ болады, Павлодар облысында бұрқасын болып, секундына 15-20 метрлік жел тұрады. Солтүстік Қазақстан өңірінде кейбір жерлерде бұрқасын, көктайғақ болып, желдің күші секундына 17-22 метрге дейін жетеді.
Жамбыл, Қызылорда, Қарағанды облыстарында, түнде Оңтүстік Қазақстан, Шығыс Қазақстан облыстарының кейбір жерлерінде тұман түседі.
Ақтөбе өңірінде кей жерлерде тұман болып, күндіз жел күші секундына 15-20 метерге жетеді.
Қостанай облысында тұман, жел екпіні секундына 15-20 метрге жетуі мүмкін, Батыс Қазақстан облысында кейбір жерлерде жел күші 17-22 метрге дейін жетеді.
Алматы облысында түнде кейбір жерлерде тұман, ал Жалаңашкөл ауданында - секундына 17-22 метрлік оңтүстік-шығыс желі еседі.
