Қазақстанның солтүстік және шығыс аудандары оқушыларының көктемгі демалыстары болады - Білім министрі
АСТАНА. Қаңтардың 26-сы. ҚазАқпарат /Гүлнәр Жандағұлова/ - Қазақстанның солтүстік және шығыс аудандары оқушыларының көктемгі демалыстары сақталады.
Бұл туралы журналистерге берген сұхбатында Білім және ғылым министрі Жансейіт Түймебаев мәлім етті.
«Әрине, қосымша сабақтар болады. Болмаған сабақтардың барлығы (ауа райына байланысты - агенттіктің түсіндірмесі) болады. Көктемгі демалыс та болады», деп сендірді министр.
Соңғы апталарда республиканың солтүстігі мен шығысында қатты аязға байланысты мектептерде сабақтар тоқтатылды. Мысалы, қаңтардың 21-і түнде Шығыс Қазақстанда термометр бағамы - 42 градусқа дейін, Зырян және Көкпекті аудандарында - 45 градусқа дейін төмендеді, деп хабарлады төтенше жағдайлар ведомствосынан.
