Қазақстанның спорт қоғамдастығы Данияр Өтешевтің қаза болуына орай оның туған-туысқандарына көңіл айтты

АСТАНА. 29 сәуір. ҚазАқпарат - Қазақстанның спорт қоғамдастығы ауыр атлетикадан Қазақстанның ұлттық құрамасының жаттықтырушысы Данияр Өтешевтің қаза болуына орай оның туғандары мен жақындарына қайғыларына ортақтастығын білдіріп, көңіл айтады.

«Спорт және дене шынықтыру істері агенттігі, Ұлттық штаттық командалар және спорттық резерв дирекциясы және елдің барша спорт қоғамдастығы ауыр және орны толмас қаза - ауыр атлетикадан Алматы қаласының аға бапкері, Қазақстанның ұлттық құрамасының жаттықтырушысы Өтешев Данияр Әмірұлының 46 жасында мезгілсіз өмірден озуына байланысты оның туғандары мен жақындарына қайғырып көңіл айтады», - делінген ҚР Спорт және дене шынықтыру істері агенттігі таратқан хабарламада.