Қазақстанның теннисші Галина Воскобоева Майамидегі турнирге қатысуын аяқтады

АСТАНА. 24 наурыз. ҚазАқпарат - Қазақстандық теннисші Галина Воскобоева американдық Майами қаласында өтіп жатқан WTA Miami Masters-2013 турнирінде жарысын аяқтады, деп хабарлады Vesti.kz.

Француздық Кристина Младеновичпен жұптасып ойнаған қазақстандық бірінші айналымда Лизель Хубер (АҚШ) мен Мария-Хосе Мартинес-Санчестен (Испания) 6:7 (2:7), 7:6 (7:5), 4:10 есебімен ұтылып қалды.

Еске сала кетейік, турнирде жұптасып өнер көрсетуде қазақстандық тағы бір теннисші Ярослава Шведова ойынын жалғастыруда.