Қазақстанның Төтенше жағдайлар министрі Жапония Елшісімен кездесті
АСТАНА. Ақпанның 17-сі. ҚазАқпарат – Астанада Қазақстанның Төтенше жағдайлар министрі Владимир Божко Жапонияның Қазақстан Республикасындағы Елшісі Сигэо Нацукимен кездесті,
деп хабарлайды ҚазАқпарат ведомствоның баспасөз қызметіне сілтеме жасап. Кездесудің мақсаты - төтенше жағдайларды алдын-ала ескерту және оның салдарын жою саласындағы қазақстан-жапон ынтымақтастығын дамыту. Владимир Божко Қазақстанның Төтенше жағдайлар министрлігінің құрылымы, күштері мен құралдары, ведомство қызметінің негізгі бағыттары туралы әңгімелеп берді. Өзара қарым-қатынасты әрі қарай дамыту, төтенше жағдайлардың алдын алу және салдарын жою саласындағы нақты бағыттар бойынша тәжірибе алмасу қажеттілігіне тоқталып өтті.
