Қазақстанның үш облысында күн суытып, ауа райы нашарлайтыны туралы ескерту жасалды
АСТАНА. ҚазАқпарат - Алматы, Жамбыл және Оңтүстік Қазақстан облыстарында күн суытып, ауа райының нашарлайтыны туралы ескерту жасалды, деп хабарлады ҚР ІІМ Төтенше жағдайлар комитетінің баспасөз қызметі.
9 ақпанда Жамбыл, Оңтүстік Қазақстан облыстарында жауын-шашынды (жаңбыр, қар) болып, кей жерлерде жел күшейеді, тұман түседі, көктайғақ болады, солтүстік-батыстан соққан жел солтүстік-шығысқа қарай ауысып, желдің екпіні 15-20 м/с-қа дейін жетеді, ауаның температурасы 2 граудс суықтықтан 3 градусқа дейін жылынады, кей жерлерде күн 8 градусқа дейін күн суытып, одан әрі төмендейді.
10 ақпанда Алматы облысында жауын-шашынды (жаңбыр, қар) болып, 10-11 ақпанда одан әрі күшейе түседі, ауаның температурасы 3-8, кей жерлерде 15 градусқа дейін суытып, одан әрі төмендейді.
