Қазақтар 30-дан астам мемлекетте тіршілік кешіп жатыр
АСТАНА. 25 қазан. ҚазАқпарат - Тағдыр тауқыметімен әлемнің түкпір-түкпіріне тарыдай шашылып кеткен қазақтар ғаламшардың 30-дан астам мемлекетінде күнелтіп жатыр,
деп жазады «Алаш айнасы» басылымы.
Мәселен, іргедегі Өзбекстанда - 1,5 миллион, Қытайда - 1,5 миллион, Ресей Федерациясында - 800 мың, ТМД елдерінде (Өзбекстан мен РФ қоспағанда) -187 мың , Моңғолияда - 83 мың, Ауғанстанда - 300 мың, Түркияда - 10 мың, Иранда - 10 мың, Канадада - 7 мың, Пәкістанда - 5 мың, Германияда - 2 мың, Францияда - 2 мың, АҚШ, Сауд Арабиясы, Аустралия елдерінде - 1 мың, Аустрияда - 900, Аргентинада - 700, Ұлыбритания мен Швецияда - 500, Иорданияда - 300, Израильде - 200, Сирия, Дания, Швейцария, Голландия, Марокко, Египет, Бельгия, Тайвань елдерінде 100 адамнан бар.
