«Қазақтелеком» дивиденд төлеуге 10,6 млрд теңгеден астам қаржы бағыттауы ықтимал
АСТАНА. 9 желтоқсан. ҚазАқпарат - «Қазақтелеком» АҚ 2013 жылдың I жартыжылдығындағы таза пайдасының 100%-ын дивиденд төлеуге бағыттауы мүмкін, ол сома 10,6 млрд теңгеден асып түседі. «Қазақтелеком» акционерлерінің кезектен тыс жалпы жиналысы шешімінің жобасында осылай көрсетілген. Бұл туралы компанияның ресми сайтында 9 желтоқсанда жарияланды, деп хабарлайды halyk-ipo.kz.
Акционерлердің кезектен тыс жалпы жиналысы 19 желтоқсанға жоспарланған.
Жиналыста жалпы сомасы 18 млрд теңге болатын өткен жылдардың үлестірілмеген пайдасын дивидендттерді төлеуге бағыттау үсынылады деп күтілуде. Егер шешім жобасы қабылданса, онда «Қазақтелеком» акционерлері 2013 жылдың I жартыжылдығы үшін дивиденд түрінде 1 қарапайым акцияға 2 603 теңге және бұрнағы жылдардың үлестірілмеген табыстары түрінде арнайы дивиденд алады.
Ағымдағы жылдың I жартыжылдығы үшін дивиденд алуға құқы бар акционерлер реестрін Акционерлердің кезектен тыс жалпы жиналысы өтетін датадан кейін (егер Акционерлердің кезектен тыс жалпы жиналысы 19 желтоқсанда өтетін болса, онда 29 желтоқсанда) екінші жексенбінің жарым түнінде тіркеу ұсынылады. Төлемдерді Акционерлердің кезектен тыс жалпы жиналысынан кейін екінші дүйсенбіден (30 желтоқсан) бастау жоспарланып отыр.
Сауда-саттық басталғалы дүйсенбі, 9 желтоқсанда, Астана уақыты бойынша сағат 13:00-де «Қазақтелекомның» қарапайым акциялары 2%-ға қымбаттап, 16 000 теңгеге дейін жетті. Бұл бағалы қағаздар бойынша сауда-саттық көлемі бірнеше сағатта 138 млн теңгеден асып түсті. Бұл жалпы соңғы 7 күнгі көрсеткіштен екі есеге көп.
